Home / 生活 / 潮流 / (極稀有) 全球五大富豪專用信用卡,你見過未?

(極稀有) 全球五大富豪專用信用卡,你見過未?

(極稀有) 全球五大富豪 專用信用卡,你見過未?

Credit,好多人會考張Cert都冇;Credit Card,就阿豬阿狗都會有,仲好可能唔止一張!又話呢張要儲飛行里數、嗰張食嘢又有折、邊張又要儲分換演唱會飛。計我話信用卡呢家嘢同女一樣,有質素慨話一張都殺哂啦,使鬼成個銀包都系咩!咁咩為之有質素?就睇下馬來西亞網站「iMoney」選出慨「五大富豪專用信用卡」啦!

1. 美國運通百夫長(Centurion)卡

(極稀有) 全球五大富豪 專用信用卡,你見過未?

百夫長卡,亦即系傳說中慨黑卡。話說早於80年代初,江湖就已經傳聞AE出咗一張極罕有、極高級同時又極神秘慨「黑卡」,但事實上要等到成件事傳咗十幾年,AE先真正推出呢張「百夫長卡」。物料方面,百夫長卡用上電鍍鈦金屬,所以先有獨特慨黑色。

要擁有AE黑卡,必須要通過AE慨主動邀請。而最神秘慨系AE咁多年黎都冇講過佢慨邀請準則系咩。有指其中一個條件系每年簽帳額要達到25萬美金(約193萬港元)。當然,年費方面亦都相當「可觀」。香港區AE黑卡年費系好好意頭慨$38800港元,首次申請要再畀一樣咁好意頭慨$38800手續費,即系未見官就先畀8萬銀。

但系值得慨!因為你除咗可以享受N種專貴服務,最重要慨系碌卡冇上限。例如中國天茂集團總裁劉益謙,就試過喺2014年一個蘇富比拍賣會上面,一炮過碌咗只盛惠2.8億慨明代「鬥彩雞缸杯」返黎。如果用所得慨積分去換百佳現金券,都可以換到接近140萬返黎!咁嗰八萬銀又點算系錢呢?

2. 摩根大通鈀(Palladium)卡

(極稀有) 全球五大富豪 專用信用卡,你見過未?

相比起AE黑卡,摩根大通呢張「鈀」卡就經濟實惠得多。一年年費只需595美金(約4600港元),仲平過你供強積金。但換返黎張卡就已經系用鈀、23K金同其他貴金屬所造,成本價都要接近1000美元!計落系申請完唔用都有賺。

 

 

但呢張卡可能比起AE黑卡更難到手。因為首先你要系摩根大通慨私人銀行客戶,仲要有起碼2500萬美金(約1.93億)資產喺摩根旗下先有機會申請。難怪Bloomberg會用「1%人中的1%人才有機會擁有的卡」黎形容。 擁有呢張卡之後你基本上會於一切手續費、亦可以使用全球超過600個機場慨貴賓候機室。甚至如果你唔想等,亦可以選用號稱全球最大私人飛機服務慨「MaequisJet」添! 3. 杜拜第一皇家卡 (極稀有) 全球五大富豪 專用信用卡,你見過未? (極稀有) 全球五大富豪 專用信用卡,你見過未?

唔鍾意貴金屬卡?咁呢張皇家卡(Royale Card)就啱味啱哂你。表面上佢就只系一張有條金邊慨普通黑色卡;實際上,佢上面痴咗粒.234卡慨鑽石上去。難怪發卡公司杜拜第一慨總裁Ibrahim al Ansari會話呢張卡系「世界上最獨特慨卡」。同AE黑卡一樣,成為卡主慨唯一辦法就系得到杜拜第一慨邀請。而除咗有錢之外,最容易得到佢哋青睞慨方法就系有個皇室身份--話哂都叫做「皇家卡」嘛!

咁皇室成員有咩福利?al Ansari話就算你想要個月亮,佢哋都會嘗試摘比你!更加唔好講咩奧斯卡門票、飛去德國試新波子等等等等。

而另一個賣點就系用呢張卡慨任何消費都可以享有4%現金回贈,而且除咗7000迪拉姆(阿聯貨幣,即約14800港紙)首次申請費之外,往後都唔需要畀任何年費。點解聽落去呢張卡咁節儉慨呢?

4. Coutts 絲卡

(極稀有) 全球五大富豪 專用信用卡,你見過未?

「Coutts」乃係世界上最早成立慨銀行之一,成立於1692年,目前由蘇格蘭皇家銀行擁有,當今英女皇伊莉莎白二世都系佢哋慨客戶之一。

當然,「絲卡」唔會系用絲造,只系用上中國絲綢慨紋理為設計意念。卡主可以使用其禮賓服務,打點上至宴會請客飛機酒席事宜,下至幫個仔搵最好慨補習老師等等等等。 絲卡亦系今次介紹慨五張卡之中唯一一張有簽帳上限慨信用卡。最基本上限為30000鎊(約36萬港紙),當然亦可以與銀行構通以增加上限。 5. 花旗銀行Ultima Infinite (極稀有) 全球五大富豪 專用信用卡,你見過未? 如果話上面呢幾張系遙不可及,以下呢張就應該系距離我哋「最近」慨富豪級信用卡--因為佢只系提供於新加坡、印度、香港以及阿聯4個地方,系咪好近呢! 要成為Ultima Infinite慨卡主,你需要擁有500萬新加坡幣(約2800萬港紙)資產,而香港區年費就系同AE黑卡同樣咁好意頭慨$23800。每個卡主都會擁有一名私人「生活經理」,佢除咗會幫你安排一般禮賓服務,更加為親身送你張卡到府上,並且了解一下你慨生活興趣,再向你提議不同慨活動、玩意。而且每年都會有特別獎賞,例如香港區慨卞主每年都會自動獲得12萬飛行里數,足夠換一張倫敦商務客位來回機票。

文章來源:

About shareman

精通吃渴玩樂,正經事一曉不通,每天總有數小時在發呆