Home / 新聞 / WeChat倫敦金騙局,倫敦金幕後黑手大踢爆!

WeChat倫敦金騙局,倫敦金幕後黑手大踢爆!


香港一直存在最大既倫敦金騙局,所有金業公司都有份參與,沒有例外啲經紀為左賺你每次交易既佣金200-400不等,不斷同你買入賣出,帳面上好似無蝕,但客戶蝕緊既會係每一次買入賣出既手續費,一個兩三萬既戶口不用三日已ko-0-即使開左戶都千萬不好授權比佢地幫你投資



http://hk.apple.nextmedia.com/news/art/20130926/18438719

《蘋果》根據WeChat用家爆料,發現一批美少女利用微信交友軟件,誘男士外出約會,豪爽請客並配以熱褲長腿攻勢,游說他們買「高回報」倫敦金。不少人在簽下授權書後,極速輸光數以萬元計的投資本錢,被騙者有「宅男」,甚至紀律部隊人員。警方指已有專責小組監察倫敦金騙案,提醒市民小心。手機交友軟件WeChat微信內「附近的人」功能大受歡迎,只要「搖一搖」手機即可搜尋身邊男女,助用家認識異性。但近月有用家爆料,指微信上有一批美少女疑是受僱於倫敦金公司,以交友為名,誘人買倫敦金為實。其中一名報稱中招的WeChat用家「阿明」(化名)早前透過該軟件認識一名姓余少女,獲對方約會請吃飯,得知她任職投資經紀,誤信她買倫敦金「有賺冇蝕」,最後簽下授權書,結果兩周內輸掉6萬元積蓄。記者追查下發現該批少女分屬不同公司,只要成功游說到他人簽約買賣倫敦金即可獲酬勞,受害人數目不少,大部份是在職人士,有人更任職紀律部隊。記者兩度在WeChat「放蛇」,先後有兩名美少女主動約記者外出見面,其中一名自稱叫阿儀的少女,聲稱任職金融公司,投資黃金買賣,她不但向記者發送自拍靚相,見面時更穿迷你裙,在記者面前展示玉臂長腿,她聲稱投資有道,每月平均有10至25%回報,甚至「一日賺過萬唔出奇」。記者意外的是,隨她而來的還有一位男同事,不斷向記者解釋合約,要記者簽授權書讓公司代為投資。另一位出來見面的楊小姐,長髮披肩身形高䠷,雖然商場冷氣凍,但她穿着熱褲,更屢屢躬身、意態撩人、不斷放電;與她同來的男子,自稱是楊的上司,金融公司副總裁,副總裁不斷游說記者簽授權書投資,並吹噓要有逾20%甚至30%回報率並不困難。倫敦金在香港現屬冇王管的場外孖展交易,隨時「輸凸」本金之餘,又屢生騙案,今年首半年涉倫敦金騙案有8宗,較去年同期的5宗增60%。今年6月警方拘捕8名騙徒,發現有市民慘被騙去近500萬退休金。■聲稱任職金融公司的少女阿儀(左),以超高回報率誘記者簽約,其同事(中)不停向記者解釋合約。簽授權書代下盤買賣警方回應指商罪科正監察倫敦金騙案,提醒市民提防任何聲稱有豐厚回報的投資,如懷疑有人違法可報警。投資及股場經驗豐富的詹培忠警告買賣倫敦金猶如跟金商對賭,若簽了授權書給金商經紀代為下盤買賣:「等於授權人哋呃你……與人無尤。」立法會議員王國興指收過逾70宗涉倫敦金騙局投訴,總損失逾1,700萬,他促當局立法監管倫敦金保障投資者。






MK仔搵人,柒到盡頭


金業公司騙財手法大踢爆:
香港一直存在最大既倫敦騙局,所有金業公司都有份參與,沒有例外
經紀點掙錢?就係靠一買一賣收取佣金。您掙幾多,唔關佢事。所以佢為求佣金,就算只係狂買或沽都可以掙錢,佢都會同您賣鬼咗佢。名義上就話唔好留過夜,怕有風險。實質上,每日一買一賣,日日係您d錢度過佣金去佢戶口。我有朋友以前都做過。我俾四萬佢,話咁快輸晒。佢仲要同我講算好彩,好多醫生、律師輸幾百粒。但個經紀仍然肥仔過乜。
啲經紀為左賺你每次交易既佣金200-400不等,不斷同你買入賣出,帳面上好似無蝕,但客戶蝕緊既會係每一次買入賣出既手續費,一個兩三萬既戶口不用三日已ko-0-
您錢既多少,只係在乎您買幾多手,槓桿比率多少。四百萬同四萬都可以用同樣既時間輸晒。

先搵一間大部份人都聽過嘅公司嚟分享吓先
話說喺一個天朗氣晴嘅早上,一個滿懷熱血嘅恩娜向住自
己認為人生最理想嘅行業進發……比黑社會更黑嘅金融業

踏入呢間英王嘅子公司,恩娜心想:為何呢間公司比我想像中細得多,說時遲那時快,一個外貌比小年更年輕嘅男孩就叫恩娜先填好入職表格,轉眼間進入面試階段:請你先作自我介紹….我名字叫….今年….曾從事………….本人立志投身金融行業,所以選擇貴公司,希望能給予機會薪金是這樣的.....主要是靠客戶來源....那你明天上班吧(續)恩娜踏上咗佢嘅黑暗金融之路,第一日上班,早上先進行每日例會,內容主要係一啲搵客心得
心態,催眠同洗腦,例會過後就到培訓時間
奇怪嘅事情開始發生,呢個培訓內容竟然係教如何打問卷 !!!
培訓不到30分鐘,恩娜就被安排到一個所謂資深員工身旁打電話
期間資深員工多次向佢展示客人帳戶,賺了幾多幾多,佣金亦賺幾千幾千
到了午飯時間,恩娜不斷去請教各師兄師姐,幾耐可以搵到錢,最多幾多等等
就喺呢個時侯得知,原來佢身邊嘅資深員工只有3個月經驗
當時呢個恩娜心想.....咁短時間就有呢個成就,真了不起!!!
就咁佢嘅金融第一天就咁過去,接下來,第二天又開始了
今日嘅培訓內容係...........無........培訓員向恩娜說:你比心機打多啲電話
好快你會找到很多很多收入,恩娜唯有滿懷壯志地博命打電話
今日資深員工仍舊不斷展示佢嘅豐功偉績,替客人由10萬賺到30萬
第二天又完了,恩娜心想,我一定要像師兄一樣,替自己及客戶賺錢
就喺呢個時候,恩娜腦海浮現出一個想法..一個令佢後悔一生嘅想法........(續)

恩娜心想,客人賺到錢,我又賺到佣金,實在係太完美啦
礙於恩娜嘅想法單純,導致小年下咗一個改變佢一生嘅決定..........
尋找佢嘅呀姨推廣黃金,恩娜喺呀姨心目中係一個率直,誠實嘅人
加上看見滿懷熱血嘅小年立志要喺金融業創一番事業
姨姨決定用小小資金投放喺呢間垃圾公司上,以示對恩娜嘅支持
幾日後,恩娜終於成功搵到人生第一個客戶
但很遺憾呢個亦係佢人生嘅最後一個客戶.................
就喺恩娜滿腦子幻想住賺到錢後嘅計劃之際
忽然間佢嘅上司傳召佢到一個空房內:
叻仔,我一早已講過你天生係屬於金融界,繼續努力
不要自滿,再搵多幾個客,你嘅收入就會很有爆炸性
而亦都因為要協助你達到呢個目標,我會代你操作
客人戶口,等你多啲時間聯絡客戶,畢竟你經驗尚淺
如果唔熟悉嘅話好易導致客戶損蝕之餘,你嘅收入
亦都會減少,明白嗎?恩娜雖然有小小失措,但亦心想:都好嘅,上司比我一定可以更加幫客人賺得更多….(續)


而上司更喺呢個時候同恩娜講:由於客戶係由你聯絡開,
加上希望幫你了解更多程序,以便日後你能獨立處理
所以客戶嘅買賣情況就由你嚟匯報返比客戶聽更合適
依家我先教你做風險聲明啦,(下刪幾十字)
註:風險聲明內容主要保障該公司,以便客戶損失亦不能追究
過咗兩日,恐怖嘅事情發生了,上司叫恩娜回覆客戶:
由於啲貨喺市場未到價,所以需要加入資金,否則只有唔要所有貨
如唔要所有貨的話戶口只剩餘$3000大元(註:戶口原本係10萬)
如客戶加入資金後,我地順利走晒啲貨就會倒賺幾萬元
恩娜無奈問:那要加多小?上司一副事不關己嘅態度回應:
那要視乎你個客戶,如加10萬,就要博一博,若想安安全全走晒啲貨,
30萬會係一個合理啲嘅數,於是恩娜硬住頭皮去聯絡呀姨
當然恩娜為了減小呀姨嘅責罵而無道出係由上司入市一事啦
後來呀姨亦因為不想損失市場嘅貨而答應加30萬
想不到,不出一星期,令人心寒嘅事發生了.....
上司傳召恩娜進房:由於昨日市況比較波動
所以所有貨都沒有了,現在戶口結餘還有5000多元
幸好我經驗夠,反應快,否則客戶就要損失更多了
恩娜聽完後手足無措,帶住沒有靈魂嘅軀殼返會坐位
就喺呢個時候,佢發現了一件更為震驚嘅事
原來身邊那位常常說幫客戶賺大錢嘅資深員工
操作中嘅戶口竟然係一個模擬帳戶!!!
恩娜按耐不住立即離開該公司,找呀姨道出一切
呀姨激動得立即報警及到該公司追究
當然係不得要領啦,因合約同風險聲明已令公司立於不敗之地
但最後公司回應竟是客戶授權經紀操作戶口
經紀嘅操作公司係控制唔到,公司可賠償經紀嘅佣金(即2萬多元)
但額外嘅30幾萬就要經紀自己賠了
最後恩娜亦因內疚同自責而足不出戶
父母亦不好意思再和呀姨聯絡
呀姨亦不再相信任何人同投資
唯一受益嘅相信只有呢間披住羊皮而充滿獸性嘅公司.......

About shareman

精通吃渴玩樂,正經事一曉不通,每天總有數小時在發呆