Home / 新聞 / 一個曾經係阿信屋嘅fans 坦白講 五個唔想去759的理由!!!

一個曾經係阿信屋嘅fans 坦白講 五個唔想去759的理由!!!

我要承認,曾經我係阿信屋嘅fans,行過望一望,口痕又睇一睇,不過今時今日嘅阿信屋,就好似依家呢個唔知想點嘅港股一樣,冇癮,唔想買!

(1)曾經大家鍾意阿信屋,都係鍾意嗰份驚喜!你同我都可能曾經唔少次,發現新大陸,買咗啲零食返去,食一啖,然後:「嘩!咁好食嘅!」你諗住食過返尋味啦,點知,下次去,搵唔到;再下次去,都係冇,然後直到永遠,阿門。最灰嘅係,你買開嘅嘢會突然冇咗!阿Q精神mode,林老闆可能想借機教我哋咩叫珍惜。不過次次食完都買唔番,我真係寧願原來沒有,從來都沒有。

折扣太多反成缺點

一個曾經係阿信屋嘅fans 坦白講 五個唔想去759的理由!!!

(2)你當畀次機會佢,又畀個機會自己,行入去搵新貨。不過人會變,就好似以前旺中啲MK妹一樣,扮扮嚇㗎妹依家都走去扮韓妹啦。今日嘅阿信屋,日本貨只係佔四成,好地地賣日本嘢咪算囉,走去賣勁多東歐貨,就連波蘭貨都有!波蘭呀大佬,我只係知長毛同鈺成兄去過嗰度旅行咋。

你唔係冇畀過機會佢哋㗎,但係中伏嘅機會率極高!既然係咁,值博率咁低,我何必要同銀包過唔去?

(3)阿信屋三日唔埋兩日就要689折、789折,試問精明如閣下,又點會正價走去入貨?依家新會員優惠周五至周日都比平時多折,即是咁,好似I.T(999)咁,有幾多人會甘心正價行入去?

(4)林老闆接受訪問時,成日都話日圓升值會影響阿信屋盈利,經常打告急牌。個感覺就好似啲長期拉banner、聲稱執笠清貨要減價嘅舖頭,但你永遠都唔明,日圓10算嘅時候,又唔見你喊話有事?

一個曾經係阿信屋嘅fans 坦白講 五個唔想去759的理由!!!

(5)阿信屋嘅母公司CEC國際(759)股價由最癲時期嘅5蚊,跌到依家得番嗰1蚊!手持蟹貨嘅阿媽會同你講:買買買,買條毛咩(女人都係方丈)!


 

About shareman

精通吃渴玩樂,正經事一曉不通,每天總有數小時在發呆